БНСУ-ын АҮХНХЭГ-ын Монгол дахь Суурин Төлөөлөгчийн Газар

2022 оны 4сарын 11 –ны өдөр Улаанбаатар хот Туушин зочид буудалд IOM Mongolia НҮБ-ийн Шилжилт Хөдөлгөөний Байгууллагааас “Хилийн чанад дахь Монголчууд буюу Монголын Диаспораг ойлгох нь” хэлэлцүүлэг зохион байгуулж Монгол дахь И Пи Эс Төвийн И Сын Жэ захирал оролцлоо. Хэлэлцүүлэгт төрийн болон төрийн бус байгууллагын 40 орчим мэргэжилтэн, алба хаагчид оролцсон юм.

Гадаад харилцааны яамны мэдээлснээр 180 мянга гаруй Монголчууд хилийн чанадад ажиллаж, амьдардаг бөгөөд 2020 онд нийт 536.2 сая ам.доллар буюу ДНБ-ий 4.07 хувьтай тэнцэх хэмжээний мөнгөн гуйвуулгыг Монгол руу илгээсэн нь тэднийг эдийн засаг, нийгмийн өндөр ач холбогдолтойг харуулж байгаа юм.

Энэ хүрээнд ОУШХБ нь “КОВИД-19 цар тахлын үед гадаад улсаас эх орондоо эрдэн ирсэн иргэдийн хөдөлмөр эрхлэлтийн судалгаа” ба “Диаспора холбоодын зураглал” судалгаануудыг 2021 онд гүйцэтгэж, үр дүнг хэлэлцүүлгээр танилцуулан холбогдох албаныхны саналыг тусгалаа. Мөн хэлэлцүүлгийн үеэр хилийн чанад дахь Монголчуудад хэрхэн хүрч ажиллах тал дээр төрийн байгууллагууд хамтран ажиллах чиглэлүүдээ хэлэлцлээ.

Дээрх судалгааны урьдчилсан тайлангийн мэдээлэл нь манай байгууллагын нутаг буцах иргэдийг дэмжих хөтөлбөрийн цаашдын үйл ажиллагаанд тусгалаа олно гэдэгт итгэлтэй байна.

2021.10.20

БНСУ-ын  Аж үйлдвэрийн хүний нөөцийн хэрэг эрхлэх газраас зохион байгуулсан Солонгос хэлний түвшин тогтоох тусгай шалгалтад нийт 83 иргэн хамрагдснаас 44 ажил хайгч тэнцсэн байна. Шалгалт өгсөн иргэд өөрийн шалгалтын оноог EPS вэйб сайтад нэвтэрч  дараах  хаягаар шалгах боломжтой.

Нэг. Шалгалтын оноо шалгах заавар:

1. (http://www.eps.go.kr) вэйб сайтад нэвтрэх;

2. Англи хэл эсхүл Монгол хэлийг сонгох;

3. “Test Result” эсхүл “see exam result” товч дарах;

4. Гадаад паспорт эсхүл регистрийн дугаар, төрсөн огноог оруулан “go” товчлуурыг дарж өөрийн оноог шалгах.

Хоёр. Тусгай шалгалтад тэнцсэн иргэдийн эрүүл мэндийн үзлэг шинжилгээнд хамрагдах заавар:

- Гадаад паспорт эсхүл иргэний үнэмлэх, цээж зураг 1 хувь;

- Ерөнхий шинжилгээний төлбөр 80,000 төгрөг;

- Зориулалтын саванд өлөн шээс авч очих;

- Шинжилгээ өгөхийн өмнөх өдөр спиртийн төрлийн ундаа, хэт чихэрлэг болон өөх тостой хоол, хүнс хэрэглээгүй байх;

- Шинжилгээнд өөрийн өмнөөс өөр хүн оруулахыг хориглох;

- Амны хаалт /маск/ заавал хэрэглэх;

- Халдвар хамгааллын дэглэмийг баримтлах;

- 09:00-12:00 цагийн хооронд өөрийн хуваарийн дагуу очиж шинжилгээнд хамрагдах