БНСУ-ын АҮХНХЭГ-ын Монгол дахь Суурин Төлөөлөгчийн Газар

Их өгөгдөл (bigdata)-д суурилсан хиймэл оюун ухаан хөгжүүлэлт, консалтингийн компанид дараах ажлын байранд ажилтан шалгаруулж авна.

​1. Бичгийн ажил / үндэсний төсөл, төрийн байгууллагуудтай холбоо барих, баримт мэдээлэл хайх, боловсруулах г.м/

- Ажлын хувьд хүнд биш, зааж сургана

- Төрийн байгууллага, үндэсний төслийн ажил их учраас солонгос хэлний өндөр чадвартай байх хэрэгтэй.

- Солонгост ажиллаж байсан туршлагатай бол давуу тал болно. /Е-9/

​​2. Ажлын цаг : гэрээсээ ажиллана /09:00-18:00, өдрийн цайны цаг 12:00-13:00/

- Монголын цагийг баримтлана.

​3. Шалгаруулж авах хүний тоо : 1 хүн

Хүйс, нас, боловсрол харгалзахгүй, туршлага заахгүй ч БНСУ-д ажиллаж байсан бол давуу тал болно.

​4. Шаардах давуу талууд

- Design Tool

- Төсөл хөтөлбөр дээр ажилласан туршлага

- Солонгост ажиллаж байсан туршлага

​5. Цалин

- Ажлын үзүүлэлтээс хамаарч зарим үед цалин нэмэх боломжтой ба туршлагаас хамаарч цалинг харилцан ярилцаж тохирох боломжтой.

​​* duseub@naver,com  асууж тодрох зүйл зүйлийг болон анкетаа  тус мэйл хаяг руу явуулаарай

*  Анкетаа солонгос хэл дээр зөвхөн 1хувийг явуулна уу.

*  Сонирхсон бүх хүмүүсийг урьж байна. Баярлалаа !

Компанийн цахим хуудас руу зочилж үзээрэй.​

​http://thewayconsulting.co.kr/

2022 оны 05 дугаар сарын 24

Монгол Улс, БНСУ-ын Засгийн газар хооронд байгуулсан харилцан ойлголцлын санамж бичгийн хүрээнд БНСУ-д хөдөлмөрийн гэрээт ажилтан буюу Е-9 визийн ангилалаар ажиллах хүч илгээх үйл ажиллагааны зохицуулалт, зохион байгуулалтыг Хөдөлмөр, халамжийн үйлчилгээний ерөнхий газар шууд хариуцан ажилладаг цорын ганц байгууллага.

Төрийн байгууллагын чиг үүргийг зарим нэг сургалтын байгууллага, иргэд хууль бусаар дур мэдэн явуулах, цахим орчинд эх сурвалж нь тодорхойгүй,  хуурамч мэдээлэл түгээх, төөрөгдүүлэх, сэтгэл санаа болон санхүүгийн хохирол учруулах, төрийн үйлчилгээ авахад санаатайгаар саад хийх, залилангийн гэмт хэргийн хохирогч болох эрсдлээс урьдчилан сэргийлэх чиглэлээр энэхүү сэрэмжлүүлэгийг хүргэж байна.

БНСУ-д хөдөлмөрийн гэрээгээр ажиллах хүсэлтэй иргэдийн цахим бүртгэл, мэдээллийн нэгдсэн санд бүртгүүлэхдээ дараах зүйлд анхаарал хандуулахыг ЗӨВЛӨЖ байна.  Тухайлбал:

- ХХҮЕГ-ын www. hudulmur-halamj.gov.mn албан ёсны цахим хуудсанд нийтэлсэн /2022.05.24/ ЗАР, ВИДЕО ЗААВАР-тай бүрэн уншиж танилцах, ойлгох, иргэний үүргээ биелүүлэх.

- Хөдөлмөрийн гэрээгээр ажиллах үндсэн шалгуур болох Солонгос хэлний мэдлэг, ур чадварыг хангаж чадна гэдэгт эргэлзэхгүй болсон үед ухаалаг шийдвэр гаргах.

- “ТАНЫ МЭДЭЭЛЭЛ” БНСУ-ын стандартад нийцэхгүй буцаах тохиолдолд               ХХҮЕГ-ын  утасны дуудлагад хариу заавал өгч байх. /77121285, 70136993/

- Та WWW.EHALAMJ.MN мэдээллийн сайтаар өөрийн бүртгэлтэй цахим шуудан эсвэл регистрын дугаарыг оруулан нэвтэрч орсны дараа үргэлжлүүлэн зүүн хэсэгт байрлах цэснээс “СХТТШ - БҮРТГЭЛ” цэсийг сонгоход хүсэлт бүртгэх цонх гарч ирнэ.  “ХҮСЭЛТ ГАРГАХ” товч дарж, хөдөлмөрийн гэрээгээр ажиллах хүсэлт бөглөх цонх нээгдэнэ.  ДЭЛГЭРЭНГҮЙГ ЭНД ДАРЖ ХАРНА УУ.

2022 оны 5 дугаар сарын 23

Санаачлагч: БНСУ-ын Хөдөлмөр эрхлэлт, Хөдөлмөрийн Яам

Зохион байгуулагч: БНСУ-ын АҮХНХЭГ

Хамтран зохион байгуулагч: Засгийн газрын хэрэгжүүлэгч агентлаг

Хөдөлмөр, халамжийн үйлчилгээний ерөнхий газар

БНСУ-ын 2022 оны Хөдөлмөр эрхлэх зөвшөөрлийн тогтолцооны дагуу гадаад ажилчин сонгон шалгаруулах онооны тогтолцоог Монгол Улсад хэрэгжүүлэх төлөвлөгөөг танилцуулж байна.

НЭГ. СОЛОНГОС ХЭЛНИЙ ТҮВШИН ТОГТООХ ШАЛГАЛТЫН ЦАХИМ БҮРТГЭЛИЙН ТАЛААРХ МЭДЭЭЛЭЛ

Хөдөлмөр, халамжийн үйлчилгээний ерөнхий газрын бүртгэл, мэдээллийн нэгдсэн системийг 2022 оны 05-р сарын 26-ны өдрийн 09:00 цагт нээж, бүртгэх квот дуусмагц бүртгэл автоматаар хаагдана.

Цахим бүртгэлийн линк болон бүртгүүлэх видео зааварчилгааг бүртгэл эхлэхээс 2 хоногийн өмнө буюу 2022 оны 05 дугаар сарын 24-ний өдөр Хөдөлмөр, халамжийн үйлчилгээний ерөнхий газрын цахим хуудсанд  /hudulmur-halamj.gov.mn, monkor.net/ байршуулна.