БНСУ-ын АҮХНХЭГ-ын Монгол дахь Суурин Төлөөлөгчийн Газар

2022 оны 3 дугаар сарын 31

Санаачлагч: БНСУ-ын Хөдөлмөр эрхлэлт, Хөдөлмөрийн Яам

Зохион байгуулагч: БНСУ-ын АҮХНХЭГ

Хамтран зохион байгуулагч: Засгийн газрын хэрэгжүүлэгч агентлаг. Хөдөлмөр, халамжийн үйлчилгээний ерөнхий газар

БНСУ-ын 2022 оны Хөдөлмөр эрхлэх зөвшөөрлийн тогтолцооны дагуу гадаад ажилчин сонгон шалгаруулах онооны тогтолцоог Монгол Улсад хэрэгжүүлэх төлөвлөгөөг танилцуулж байна. Дэлгэрэнгүйг ЭНДЭЭС харна уу

НЭГ. СОЛОНГОС ХЭЛНИЙ ТҮВШИН ТОГТООХ ШАЛГАЛТЫН ЦАХИМ БҮРТГЭЛИЙН ТАЛААРХ МЭДЭЭЛЭЛ

Хөдөлмөр, халамжийн үйлчилгээний ерөнхий газрын бүртгэл, мэдээллийн нэгдсэн системийг 2022 оны 4-р сарын 25-ны өдрийн 09:00 цагт нээж, бүртгэх квот дуусмагц бүртгэл автоматаар хаагдана.

Цахим бүртгэлийн линк болон бүртгүүлэх видео зааварчилгааг бүртгэл эхлэхээс 3 хоногийн өмнө буюу 2022 оны 04 дүгээр сарын 22-ны өдөр Хөдөлмөр, халамжийн үйлчилгээний ерөнхий газрын цахим хуудсанд  / hudulmur-halamj.gov.mn, monkor.net / байршуулна.

2022 оны 03 дугаар сарын 31

Монгол Улс, БНСУ-ын Засгийн газар хооронд байгуулсан харилцан ойлголцлын санамж бичгийн хүрээнд БНСУ-д хөдөлмөрийн гэрээт ажилтан буюу Е-9 визийн ангилалаар ажиллах хүч зуучлах үйл ажиллагааг Монгол Улсын илгээгч байгууллагаар томилогдсон Засгийн газрын хэрэгжүүлэгч агентлаг, Хөдөлмөр, халамжийн үйлчилгээний ерөнхий газар шууд хариуцан зохион байгуулж ажилладаг цорын ганц байгууллага.

Гэвч төрийн захиргааны байгууллагын чиг үүргийг зарим нэг сургалтын байгууллага, иргэд хууль бусаар явуулах, ялангуяа орон нутгийн иргэдэд хуурамч мэдээлэл түгээх, цаг хугацаа, санхүүгийн хохирол учруулах, төрийн үйлчилгээ авахад нь санаатайгаар саад учруулдаг хууль бус үйлдлийг таслан зогсооход ИРГЭН та мэдэх, хөдөлмөрлөх, хөгжих эрхийнхээ дагуу зөвхөн эрх бүхий төрийн байгууллагаас үйлчилгээ авч, хариуцлагатай, ул суурьтай хандахыг сэрэмжлүүлж байна.