БНСУ-ын АҮХНХЭГ-ын Монгол дахь Суурин Төлөөлөгчийн Газар

Өнгөрсөн 2017 онд Тогтвортой ажилласан гадаад ажилчдын тоо их байсан учраас БНСУ-ын АҮХНХЭГазраас тухайн онд тусгай СХТТШалгалт авахгүй байх шийдвэр гаргасан. Энэ жил туршлагатай гадаад ажилчдыг дэмжих зорилгоор 2018 онд 2 удаа буюу 4-р сар болон 8-р сард тусгай СХТТШалгалтыг зохион байгуулах төлөвлөгөөтэй байна. Тусгай шалгалтын бүртгэлийн хуваарь удахгүй зарлагдана.

Бүртгүүлэгчдэд тавигдах шаардлага

- Хөдөлмөрийн гэрээгээр 4 жил 10 сар ажиллаад визний хугацаандаа сайн дураараа

нутаг буцсан байх (2010 оны 1 сарын 1-нээс хойш орж ирсэн байх)

- 18-39 настай байх

- Ял шийтгэлгүй байх

- БНСУ-аас албадан гаргаагүй байх

- Хилээр гарахыг хязгаарлаагүй байх

- Е-9, Е-10 визээр 5 жилээс дээш хугацаагаар оршин суугаагүй байх

СХТТШ-ын талаар дэлгэрэнгүй мэдээллийг БНСУ-ын АҮХНХЭГ-ын Гадаад ажилчин сонгон шалгаруулах албаны 052-714-8557 утаснаас лавлана уу.

БНСУ-ын АҮХНХЭГ-ын Монгол улс дахь суурин төлөөлөгчийн газар(EPS төв)-с жил бүр уламжлал болгон БНСУ-д гэрээгээр ажиллаж байгаад нутаг буцаж ирсэн иргэдтэй нөхөрсөг уулзалтыг зохион байгуулдаг ба энэ удаагийн уулзалтыг 2018 оны 1 сарын 30-ны өдөр зохион байгууллаа. Уулзалтад тус төвийн дарга буюу БНСУ-ын АҮХНХЭГ-ын Монгол улс дахь суурин төлөөлөгч Ким Сон Ин, орчуулагч С.Эрдэнэбулган болон урилгаар ХХҮЕГ-ын АХШХХ-ийн дарга Т.Есөнтөмөр, ахлах мэргэжилтэн Н.Хандмаа нар оролцож нутаг буцаж ирсэн иргэдийн сонирхсон асуултад хариулт өгч, тулгарч байгаа бэрхшээлтэй асуудлын талаар санал бодлыг нь сонсож чөлөөт ярилцлага хийлээ.

2018 оны нөхөрсөг уулзалтын зургаас

2017 оны 11 сарын 30-наас мөрдөж эхэлсэн Гадаадын иргэн харьяатын хуулийн нэгээхэн хэсэг..
Улсын хууль тогтоомжийн нэгдсэн төвд нэмж орсон уг хуулийн заалтанд
/ 법무부령 제912호/
Солонгос улсад хөдөлмөр эрхлэх виз болох Е-9 мэргэшлийн бус гэрээт ажилчин, Е-10 далайд хөдөлмөр эрхлэх ангилалд удаан хугацаагаар ажиллаж байгаа гадаад ажилчин нь 5 жилээс дээш оршин суусан нь тогтоогдвол тухайн ангилалдаа визийг дахин олгохгүй байхаар бүрэн шийдвэрлэлээ.Гэрээний визээр 2 удаа буюу 5 жилээс ажилласан бол дахин ажиллах боломж хаагдаж ба визний зөвшөөрөл олгохоос татгалзаж байгаа юм .