БНСУ-ын АҮХНХЭГ-ын Монгол дахь Суурин Төлөөлөгчийн Газар

СОЛОНГОС ХЭЛНИЙ ТҮВШИН ТОГТООХ

ТУСГАЙ ШАЛГАЛТЫН ЗАР

Монгол Улсын Хөдөлмөр, нийгмийн хамгааллын яам, Бүгд Найрамдах Солонгос Улсын Хөдөлмөр эрхлэлт, хөдөлмөрийн яамд хооронд байгуулсан хөдөлмөр эрхлэх зөвшөөрөл олгох тогтолцооны дагуу ажилтан илгээх болон хүлээн авах тухай харилцан ойлголцлын санамж бичгийн дагуу Солонгос Улсад хөдөлмөрийн гэрээгээр ажиллаж байгаад визийн хүчинтэй хугацаандаа нутаг буцаж ирсэн, дахин хөдөлмөрийн гэрээгээр Солонгос Улсад ажиллах хүсэлтэй иргэдийг бүртгэлд хамруулж, солонгос хэлний түвшин тогтоох тусгай шалгалт авах болсныг мэдэгдье.

^*ТУСГАЙ ШАЛГАЛТ гэдэг нь БНСУ-д Хөдөлмөрийн гэрээгээр ажиллаж байгаад хугацаандаа нутаг буцаж ирээд (3 жил, 4 жил 10 сараар ажилласан) дахин Хөдөлмөрийн гэрээгээр ажиллах хүсэлтэй иргэдэд зориулсан солонгос хэлний түвшин тогтоох ТУСГАЙ шалгалт (СХТТТШ) юм.

Тус улсад хөдөлмөрийн гэрээгээр ажиллах хүсэлтэй гадаадын иргэд нь БНСУ-ын Хөдөлмөр эрхлэлт, хөдөлмөрийн яамны Аж үйлдвэрийн хүний нөөцийн хэрэг эрхлэх газраас зохион байгуулах И Пи Эс Топик шалгалтад тэнцснээр БНСУ-ын Хөдөлмөрийн биржид ажил хайгчаар бүртгүүлэх боломжтой.

2021 оны 7 дугаар сарын 21-ний өдөр

Санаачлагч: БНСУ-ын Хөдөлмөр эрхлэлт, хөдөлмөрийн яам

Зохион байгуулагч: БНСУ-ын Аж үйлдвэрийн хүний нөөцийн хэрэг эрхлэх газар

Хамтран зохион байгуулагч : Монгол Улсын Хөдөлмөр, нийгмийн хамгааллын яам

Монгол Улсын Засгийн газрын хэрэгжүүлэгч агентлаг Хөдөлмөр, халамжийн үйлчилгээний ерөнхий газар

Доорх нэрсийн жагсаалт нь БНСУ-ын АҮХНХЭГ-аас ирдэг.

Тусгай шалгалтад бүртгүүлэх боломжтой иргэдийн жагсаалтад таны нэр байгаа нь БНСУ-д ажлын байранд жуучлагдах 100%-ийн баталгаа биш гэдгийг анхаарна уу!

Ажлын санал ирсний дараа  визийн цахим хариуг БНСУ-ын Цагаачлалын албанаас олгодог тул дараах асуудлаар нэр холбогдож байсан иргэдийг визийн цахим зөвшөөрөл мэдүүлэхээс өмнө урьдчилан мэдэх боломжгүй тул бүртгүүлэгч Та цаг хугацаа, санхүүгийн хохирол амсахаас урьдчилан  сэргийлж дараахтай танилцана уу.

Дараах:

1. Визийн E9, E10  ангиллаар нийлбэр 5-аас дээш жил ажилласан.

2. Суугаа орны хууль, дүрэм зөрчиж торгууль төлж байсан.

3. Оршин суух хугацаа хэтрүүлж байсан.

4. Монгол Улсад суугаа БНСУ-ын ЭСЯ-д аливаа виз мэдүүлж татгалзсан хариу авч байсан иргэдэд Хөдөлмөрийн гэрээгээр ажиллах визийн зөвшөөрөл олгодоггүй тул анхнаас нь бүртгэл хийлгэхгүй байж цаг хугацаа, санхүүгийн хохирол амсахаас урьчилан сэргийлнэ үү.

ГАХГХ       2021-07-21

Тусгай шалгалтад бүртгүүлэх боломжтой иргэдийн нэрсийн жагсаалтыг ЭНД ДАРЖ ХАРНА УУ

2021 оны 7 дугаар сарын 19

СОЛОНГОС ХЭЛНИЙ ТҮВШИН ТОГТООХ ШАЛГАЛТАД

БҮРТГҮҮЛСЭН ИРГЭДИЙН АНХААРАЛД

Монгол Улсын Засгийн газрын 2021 оны 176 дугаар тогтоолоор 2021 оны 8 дугаар сарын 31-ний өдрийг дуустал Гамшгаас хамгаалах өндөржүүлсэн бэлэн байдлын зэрэгт шилжүүлсэн хугацааг сунгаснаар Солонгос хэлний түвшин тогтоох шалгалтад бүртгүүлсэн иргэдийн шалгалтын тов тодорхойгүй хугацаагаар хойшлогдсныг үүгээр мэдэгдье.

Иймд шалгалтын тов тодорхой болмогц Хөдөлмөр, халамжийн үйлчилгээний ерөнхий газрын http://solongos.hudulmur-halamj.gov.mn вэб сайтад албан ёсоор мэдээлэх болно.

Утас: 77121285

Хөдөлмөр, халамжийн үйлчилгээний ерөнхий газар