БНСУ-ын АҮХНХЭГ-ын Монгол дахь Суурин Төлөөлөгчийн Газар

Хамаарах иргэд : Эхний шат буюу СХТТШ-д тэнцсэн байх, аж үйлдвэрийн салбарт дэд салбар хэмжих

2 ДАХЬ ШАЛГАЛТ (Ур чадварын шалгалт+ Мэргэжлийн ур чадварын үнэлгээ)

Мэргэжлийн чадварын үнэлгээ (оноо нэмэх тогтолцоо)

1 дэх шалгалт (СХТТШ)-д тэнцсэн иргэдээс зөвхөн аж үйлдвэртэй холбоотой ажлын туршлагатай, МСҮТ-ын гэрчилгээтэй, эсвэл дээд сургууль төгссөн дипломтой иргэд нь оноо нэмүүлэх зорилготойгоор нотлох бичиг баримт (өргөдөл, ажлын газрын тодорхойлолт, МСҮТ төгссөн гэрчилгээ, дээд сургууль төгссөн диплом)-ыг 1-р ээлж 2023 оны 05 дугаар сарын 11-15-ны өдрүүдэд ХХҮЕГ-ын Гадаадад ажиллах хүч гаргах хэлтэст бүртгүүлнэ.

Жич: Солонгос хэлний түвшин тогтоох шалгалтад тэнцсэн иргэд нь ур чадварын шалгалтад урьдчилж бүртгүүлэх шаардлагагүй бөгөөд зарлагдсан хуваарийн дагуу шалгалтаа өгнө. Ур чадварын шалгалтын үеэр нэмэлт 5 хүртэлх оноо авах хүсэлтэй иргэд нь дээрх бичиг баримтуудийг урьдчилж заавал өгсөн байна.

※ Мэргэжлийн ур чадварын үнэлгээний анкет, Ажлын газрын тодорхойлолт, Ажлын туршлагын тодорхойлолтыг ЭНДЭЭС татаж авна уу.

Ø Бүртгүүлэхдээ дараах бичиг баримтыг авчирна. Иргэний үнэмлэх, СХТТШ-ын бүртгэлийн хуудас, мэргэжлийн ур чадварын үнэлгээнд хамрагдах хүсэлт /хавсаргасан маягт/, Нотлох баримтын хуулбар/ шалгалтын өдөр ирэхдээ эх хувийг авчирна/

Нэгдүгээрт: Бичиг баримтыг шалгана. /ХХҮЕГ- Илгээгч байгууллага/ → Хоёрдугаарт: Ур чадварын ярилцлагын шалгалтын үед тухайн сэдвээр асуулт асууна. /БНСУ-ын АҮХНХЭГ, ярилцлагын комиссын гишүүн/ → Гуравдугаарт: Ур чадварын шалгалтын дараа бичиг баримт сэжигтэй бол дахин шалгана. /БНСУ-ын АҮХНХЭГ, ХХҮЕГ- Илгээгч байгууллага/

※ Мэргэжлийн ур чадварын үнэлгээнд хуурамч бичиг баримт бүрдүүлж өгсөн тохиолдолд тухайн шалгалтыг хүчингүй болгож цаашид СХТТШ өгөх эрхийг 4 жилээр хязгаарлана. /Тухайн мэдээллийг Илгээгч байгууллагатай хамтарч холбогдох хууль хяналтын байгууллагад мэдэгдэнэ/

Дараах МСҮТ –ийн гэрчилгээ, Их дээд сургуулийн диплом, ажлын туршлагыг хүлээж авахгүй.

(Ажлын туршлага) Бүртгүүлэгч нь аж үйлдвэрийн үйл ажиллагаатай холбоотой компанид ажиллаж байсан ч энгийн худалдаа, менежмент (нягтлан бодох бүртгэл, хүний нөөц г.м), боловсрол, төрийн албан хаагч болон олон нийтийн байгууллагын ажилтан (инженерийн чиглэлээс бусад), үйлчилгээний салбар (хоол, шатахуун түгээх станц, ресторан, үсчин г.м) зэрэг энгийн ажлын туршлагыг мэргэжлийн ур чадварын үнэлгээнд хүлээн зөвшөөрөхгүй.

Зөвхөн, боловсролын салбарын туршлагатай бол тухайн салбарын инженер, техниктэй холбоотой боловсрол олгодог байсан бол хүлээн зөвшөөрнө.

Жишээ нь: МСҮТ-ийн байгууллагад тоног төхөөрөмж ашиглалтын багш хийдэг байсан бол хүлээн зөвшөөрнө.

(Мэргэжлийн үнэмлэх) Аж үйлдвэрийн салбартай хамааралгүй үнэмлэхийг хүлээн зөвшөөрөхгүй. Жишээ нь: жолооч, хэлний курс, мэргэжлийн зэргийн үнэмлэх( эмч эм зүйч, өмгөөлөгч г.м), тогооч, үсчин гоо сайханч зэрэг үйлчилгээний мэргэжлийн үнэмлэх, дээд боловсролын диплом г.м

(МСҮТ -ийн гэрчилгээ) Боловсрол сургалт явуулах зорилго нь аж үйлдвэрийн ажлуудтай холбогдолгүй МСҮТ гэрчилгээг хүлээн зөвшөөрөхгүй.

жич: асран хамгаалагч бэлтгэх курс, ня-бо, менежер удирдагч бэлтгэх курс г.м

(Боловсролын гэрчилгээ) Аж үйлдвэрийн салбарын ажил мэргэжилтэй хамааралгүй бол хүлээн зөвшөөрөхгүй. Улс тус бүр өөрийн орны онцлогийг харгалзан үзэж илгээгч байгууллагаас хүлээн зөвшөөрөх шалгуурыг тогтоох. Жишээ нь: Эрүүл мэндийн тэнхим, биеийн тамирын тэнхим, сувилагчийн тэнхим, нягтлан бодох бүртгэлийн тэнхим г.м аж үйлдвэрийн салбартай хамааралгүй тэнхим.

Ур чадварын шалгалтын 1 –р ээлжийн хуваарийг 2023 оны 5 дугаар сарын 17-нд зарлаж 2023 оны 5 дугаар сарын 24-25-нд өдрүүдэд авна.

※ Заасан өдөр заасан газарт шалгалтыг өгөх бөгөөд цагаас хоцорвол оруулахгүй болохыг анхаарна уу.

※ Мэргэжлийн ур чадварын үнэлгээний бичиг баримтыг ур чадварын шалгалтын үеэр зэрэгцүүлэн шалгана.

※ Биеийн тамир, ярилцлага, суурь ур чадвар гэсэн 3 хэсгээс бүрдэнэ.

Онооны хуваарилалт дараахитай адил байна.

Эцсийн шалгаруулалтын хариуг 1-р ээлж 2023 оны 6 дугаар сарын 2-нд www.hudulmur-halamj.gov.mn, http://www.monkor.net, http://www.eps.go.kr http://epstopik.hrdkorea.or.kr сайтуудад зарлана.

Ур чадварын шалгалтанд тэнцсэн иргэдийг нэрсийг зарлан ЭМҮШ-д хамруулна. ЭМҮШ-д тэнцсэн иргэд ХХҮЕГ дээр ирж байрших бүртгэл хийгдэх тул дараагийн зарууд зарлахад анхааралтай танилцана уу.

а. чингүй болгож цаашид СХТТШ ө Зарласан өдрөөс хойш 2 жилийн хугацаанд хүчинтэй байна.

Анхаарах зүйлс

1. Өнгө ялгах чадваргүй иргэн шалгаруулалтаас хасагдана. Зөвхөн нурууны дисктэй, гарын хуруу дутуу гэх зэрэг тохиолдолд 2 дахь ур чадварын шалгалтын ажил хийхэд тохирох эсэхийг шийдвэрлэх бөгөөд ажил хийх чадваргүй гэсэн шийдвэр гарвал сонгон шалгаруулалтаас хасагдана.

2. Шалгалтын үеэр гар утас, ухаалаг цаг, утасгүй чихэвч г.м электрон хэрэгслийг авч орохыг хориглоно.(Эдгээрийг авч орсон тохиолдолд хуулсанд тооцно.)

3. Бүртгүүлэгч нь хууль бус үйлдэл гаргах тохиолдолд тухайн бүртгүүлэгчийн шалгалтыг хүчингүй болгож ХЭЗОТ-ны шалгалт өгөх эрхийг 4 жилээр хасна.

4. СХТТШ-ын бүртгэлийн хуудаст бичигдэх мэдээлэл (Ялангуяа, Латинаар овог нэрээ бичих, төрсөн он сар өдрөө зөв гаргацтай бичих) гадаад паспортын мэдээлэлтэй зөрүүтэй бол хэдийгээр шалгалтад тэнцсэн хэдий ч хөдөлмөрийн биржид нэр байршуулах, БНСУ-д нэвтрэх боломжгүй болно.

5. Ажлын туршлагыг батлах бичиг баримт (Лавлагаа) нь тухайн лавлагааг олгосон хүн, баталсан хүний гарын үсэг холбогдох утасны дугаар гэх зэрэг чухал мэдээлэл байхгүй тохиолдолд тус бичиг баримтыг хүчингүйд тооцно.

6. Шалгалтанд орохдоо халдварт өвчнөөс урьдчилан сэргийлж амны хаалт зүүж бусдын болон өөрийн эрүүл мэндийг хамгаалах хэрэгтэй.

ГАДААДАД АЖИЛЛАХ ХҮЧ ГАРГАХ ХЭЛТЭС