БНСУ-ын АҮХНХЭГ-ын Монгол дахь Суурин Төлөөлөгчийн Газар

Хөдөлмөр, халамжийн үйлчилгээний ерөнхий газар нь Монгол Улсын Хөдөлмөр, нийгмийн хамгааллын яам, БНСУ-ын Хөдөлмөр эрхлэлт, хөдөлмөрийн яам хоорондын “Хөдөлмөр эрхлэх зөвшөөрөл олгох тогтолцоо”-ны дагуу ажилтан илгээх болон хүлээн авах тухай “ХАРИЛЦАН ОЙЛГОЛЦЛЫН САНАМЖ БИЧИГ”-ийн хүрээнд ажилладаг.

2019 онд зохион байгуулсан 3 дахь удаагийн сонгон шалгаруулах онооны тогтолцооны хүрээнд БНСУ-д Хөдөлмөрийн гэрээгээр ажиллах хүсэлтэй бүртгүүлсэн 3,667 иргэдээс Солонгос хэлний түвшин тогтоох шалгалтад 95 буюу түүнээс дээш оноо авсан 743 иргэн 10 дугаар сарын 18-20 өдрүүдэд Ур чадварын шалгалтад биеийн хүч, ярилцлага, суурь чадвар гэсэн гурван төрлөөр хамрагдаж 684 иргэн тэнцэв.

Нэг. Шалгалтын зарим үр дүн

Хоёр. Шалгалтын оноо шалгах

(Дараах цахим хуудаст нэвтрэх(http://www.eps.go.kr)--> Хэл сонгох [Монгол]à “EPS-TOPIK”-т өөрийн бүртгэлийн дугаараа хийх àДараачийн à Оноо шалгах.

Гурав. ШАЛГАЛТАД ТЭНЦСЭН НЬ БНСУ-Д АЖЛЫН БАЙРАНД ЗУУЧЛАГДАХ 100%-ИЙН БАТАЛГАА БОЛОХГҮЙ.

Дөрөв. Халдварт өвчин судлалын үндэсний төвд 2019 оны 11 дүгээр сарын 11-15-ны өдрүүдэд Эрүүл мэндийн үзлэг зохион байгуулагдах тул өөрийн хуваарийг эндээс харна уу.

Тав. Эрүүл мэндийн үзлэг шинжилгээнд хамрагдахад шаардагдах бичиг баримт:

• Гадаад паспорт эсвэл иргэний үнэмлэх эх хувь;
• Бүртгэлийн хуудас(тасалбар);
• Ерөнхий эрүүл мэндийн үзлэг, шинжилгээний төлбөр болох 80,000 төгрөгийг ХӨСҮТ-д тушаана;
• Цээж зураг 1 хувь (Сүүлийн 6 сарын дотор авахуулсан 3.5*4.5 хэмжээтэй байх);
• Өлөн шээсээ цэвэр саванд хийж авчрах;

Зургаа. Эрүүл мэндийн үзлэг шинжилгээнд хамрагдахын  өмнө хувийн зохион байгуулалтад онцгой анхаарч, дараах зүйлийг бэлтгэж ирнэ.

Үүнд:

• Өлөн байх
• Шинжилгээ өгөхийн өмнөх өдөр спиртийн төрлийн ундаа, хэт чихэрлэг болон өөх тостой хоол, хүнс хэрэглэхгүй байх;
• Эрүүл мэндийн үзлэг шинжилгээнд зөвхөн Ур чадварын шалгалтад тэнцсэн нэр бүхий иргэд батлагдсан хуваарийн дагуу тогтоосон хугацаанд хоцролгүй, эмх цэгцтэй хамрагдана.
• Дээр дурьдсан бичиг баримтыг авчраагүй иргэнийг эрүүл мэндийн үзлэг шинжилгээнд оруулахгүй.
• Үзлэгт хамрагдах иргэд өөрийн үзлэг шинжилгээ өгөх газар, өдөр, цаг, ээлжийг нарийн нягтлан шалгана.
• Эрүүл мэндийн үзлэг шинжилгээнд хамрагдах үед зүй бус үйлдэл гаргасан тохиолдолд эрүүл мэндийн үзлэг шинжилгээнд тэнцээгүйд тооцох тул бусдад мэхлэгдэж, өөрсдийгөө хохироохгүй байхыг анхааруулж байна.
• Эрүүл мэндийн үзлэг шинжилгээнд орох иргэдийн бичиг баримтыг хүн нэг бүрчлэн тулгаж оруулна.
• Ур чадварын шалгалтад тэнцсэн ч эрүүл мэндийн үзлэг, шинжилгээнд хамрагдаж тэнцэхгүй /элэгний В, С вирус нь өндөр идэвхтэй, тэмбүү, сүрьеэ гэх мэт/ бол  БНСУ-ын хөдөлмөрийн биржид ажил хайгч иргэнээр нэр байршихгүй.
• Эрүүл мэндийн үзлэг шинжилгээнд хамрагдаж тэнцээгүй тохиолдолд төлбөр, хураамжийг буцаан олгохгүй.

Долоо. Эмнэлгийн хаяг, байршил, холбоо барих утас: 9449-3016, 99842328

ГАДААДАД АЖИЛЛАХ ХҮЧ ГАРГАХ ХЭЛТЭС